Wara li wieħed idum qiegħed għal żmien twil, ikun aktar diffiċli għalih biex isib impjieg. Ir-rifjuti ripetuti, sett ta’ ħiliet skadut u nuqqas ta’ prattika fl-applikazzjonijiet u fl-intervisti kollha jistgħu jsiru demotivanti ħafna.

F’Malta, l-Inizjattiva tal-Programm ta’ Ħidma (jew il-WPI), mis-servizz tal-Jobsplus tal-gvern Malti, qed tgħin lin-nies li ilhom qiegħda għal mill-anqas 12-il xahar biex itejbu l-impjegabilità tagħhom u jsibu xogħol.

Jacqueline, li għandha fuq il-50 sena, issieħbet mal-WPI fl-2016, wara li kienet ilha qiegħda għal madwar erba’ snin. Għalkemm kellha diversi ċertifikati hija kienet għadha qed tiġi rifjutata mill-impjegaturi. Hija kellha bżonn l-appoġġ biex issib impjieg full-time u riedet gwida dwar kif tapplika għall-impjiegi u tattendi l-intervisti b’mod korrett.