L-impjegaturi f’Malta qegħdin jiġu mħeġġa jimpjegaw persuni li ma jkunux ħadmu għal sitt xhur jew aktar – speċjalment dawk minn gruppi li jiġu impjegati anqas bħal persuni li għandhom aktar minn 50 sena, ġenituri waħedhom u persuni b’diżabilità – bi proġett li joffri inċentivi biex in-nies jerġgħu jibdew jaħdmu.

Il-proġett, imsejjaħ l-Aċċess għall-Impjieg, jew l-A2E, joffri lill-impjegaturi sussidju meta jirreklutaw lil xi ħadd minn grupp fil-mira.

Maħluq minn Jobsplus, il-korporazzjoni tal-impjiegi u t-taħriġ tal-pajjiż, u kofinanzjat mill-Fond Soċjali Ewropew, mill-Gvern Malti u mill-impjegaturi, l-A2E iħeġġeġ lin-negozji biex jinvestu fin-nies, u jimla l-lakuna bejn il-provvista u d-domanda tas-suq tax-xogħol.